वीरगन्ज, १३ जेठ । सरकारले आजदेखि पोलियो रोगविरुद्धको ’आईपीभी’ खोप अभियान सञ्चालन गर्दैछ । आजदेखि जेठ २६ गतेसम्म दुई हप्ता चल्ने अभियानमा देशभरका १४ लाख ६२ हजारभन्दा धेरै बालबालिकालाई खोप दिने सरकारको लक्ष्य छ ।
सरकारको यस अभियान अन्र्तगत २०७३ वैशाखदेखि २०७५ असोज महिनाभित्र जन्मिएका बालबालिकालाई लक्षित गर्दै पोलियो रोगविरुद्धको आइपिभी खोप लगाइनेछ । सन् २०१६ देखि २०१८ को बिचमा उक्त ‘आइपिभी’ खोप उत्पादन हुन नसकेपछि ती उमेर समूहका बालबालिका खोप लगाउनबाट छुटेका थिए ।
सो अवधिमा खोपबाट वञ्चित बालबालिकालाई पोलियोको जोखिम रहिरहने भएकाले सरकारले छुटेका बालबालिकालाई लक्षित गरी खोप लगाउने अभियान थालिएको कार्यालयले जनाएको छ ।
सरकारले सन् २०२६ सम्म पोलियो उन्मूलन गर्ने लक्ष्य राखेको छ । पर्सा जिल्लामा दुई चरणमा गरी ३१ हजार ८१२ जना बालबालिकालाई आइपिभी खोप लगाइदैछ ।
पहिलो चरणअन्र्तगत आजदेखि १६ गतेसम्म १५ हजार ९८५ जना बालबालिकालाई आइपीभीविरुद्धको खोप लगाइने छ । यसैगरी दोस्रो चरण अन्र्तगत ज्येष्ठ २३ गतेदखि २६ गतेसम्म १६ हजार ६२८ जना बालबालिकालाई खोप लगाइनेछ ।
Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit
