पर्सागढि ,८ असार।पर्साको पर्सागढि नगरपालिकाको नगर सभा स्थगित भएको छ । उद्दघाटन पश्चात नगरपालिकाको ११ औं नगरसभा स्थगित भएको हो ।
केही नगरसभा सदस्यहरुले सुरुमै विरोध जनाउँदा नगर सभा स्थगित भएको हो । सभाध्यक्ष एवम् नगर प्रमुख गोकर्ण पाठकले पानसमा बत्ती बालेर नगरसभाको उद्घाटन गरेका थिए । प्रमुख प्रशासकीय अधिकृत सहित ५० जना नगरसभा सदस्य रहेकोमा २२ जनाले मात्र उपस्थिति पुस्तिकामा हस्ताक्षर गरेपछि कुल सदस्य संख्याको ५१ प्रतिशत नपुगेकाले आजको सभा स्थगित भएको हो ।
असार २ गते बसेको कार्यपालिका बैठकले असार ८ गते नगर सभा गर्ने निर्णय गरेसंगै केही कार्यपालिका सदस्यहरुले विभिन्न माग अघि सारेका थिए । उनीहरुको माग पूरा नभएकोले नगरसभाको उपस्थिति पुस्तिकामा हस्ताक्षर नगर्दा बहुमत नपुगेकोले सभा नै स्थगित भएको हो । केही कार्यपालिका सदस्यहरुले वडाको बजेट सिलिङ्ग ५० लाखबाट बढाएर १ करोड गर्नुपर्ने, वडा अध्यक्षहरुलाई सेवा सुबिधा दिनुपर्ने, आर्थिक बर्ष ०८०÷०८१ को पालिकाको आम्दानी खर्च सार्वजनिक गर्नुपर्ने लगायत माग राखी विरोध गर्दै आईरहेका थिए ।
पर्सागढिका नगरप्रमुख पाठकले केही वडाध्यक्षहरुले पूरा गर्नै नसकिने मागहरु राखेर पालिकालाई बन्धक बनाउन खोजेको बताए । आफूहरुले ५० लाखभित्र रहेर वडाको बजेट सिलिङ बनाउन भनेकोमा वडाध्यक्षहरुले १ करोड रुपैँया माग गरेकोले समस्या भएको उनको भनाइ छ । गणपुरक संख्या नपुगेको कारण आजको नगरसभामा बजेट पेस गर्न नसकिएको उनले जनाए ।
अर्को नगर सभा असार ९ गते आईतवार हुने जानकारी गराइएको छ ।
Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit
